ઓ સૂરજ

ઓ સૂરજ તારી સાથે પ્રેમ થઈ ગયો છે

તારી જેમ વેહલા ઉગવાનો મને વ્હેમ થઈ ગયો છે.

 

ઓ સૂરજ...

 

એ વહેલી પરોઢે આવવાનું તારું

ને મારી પ્રેમિકાને મળવાનું સંગાથે થાય છે,

એ આંખોમાં આશાઓ લઇ ઉડવાનો

પેહલા કિરણ સમ મારોય નિયમ થઈ ગયો છે

 

ઓ સૂરજ...

 

એ તારું કિરણનું ફેલાવવું ગમે છે મને,

ને એનું બાહોનું લહેરાવવું સંગાથે થાય છે,

એ મનડાની ઊર્મિઓ લઇ ફરવાનો

ને હેમને હાથોથી અડવાનો ક્રમ થઈ ગયો છે

 

ઓ સૂરજ...

 

એ આકાશે તારું ચાલવાનું યાદ છે મને

ને હાથોમાં હાથ નાખવાનું સંગાથે થાય છે,

એ સ્પર્શોની લાગણીઓ લઇ મારવાનો

એ કોમળતામાં પાડવાના સમ થઈ ગયો છે

 

ઓ સૂરજ...

 

એ તપવું ને રિસાવું એ ઠરવું ને માનવું ભાવે છે મને

ને એક એક વાતોમાં સરખાવવાનું સંગાથે થાય છે,

એ ભાવો ને જોઈ ઈચ્છાતો એવી થાય કે

બંનેના પ્રેમનો મને અગમ-નિગમ થઈ ગયો છે.

 

ઓ સૂરજ...