એક ઈશારો તો આપ
એક ઈશારો તો આપ
રાહી છું હું તારા પ્રેમનો એક ઈશારો તો આપ,
જરા હળવેકથી તું મારા દિલના દરિયાને માપ;
લે મેં કર્યું તોફાન અમસ્તું તારું નામ લેવાનું હવે,
થઈ શકે તો દિલના સુરમાંથી તારા નામને કાપ.
કૂંપળનું ખીલવું ને પેહલા પ્રેમનું થવું સાથે થાય છે,
તને જોયા વગર જ ફક્ત આમ ચાહવું સાથે થાય છે;
હશે કઈ કેટલાય અરમાનો દિલમાં તોફાન સાથે હવે,
હવે મંઝિલની સાથે ચાલવું ને તરફડવું સાથે થાય છે.
આ મેહફીલ લઈ લો ને મને મારા મિત્રો લાવી દો,
એ ચાની ચુસ્કીને મસ્ત પેલા સાદા ચિત્રો લાવી દો;
યાદ છે ગલી-નુક્કડ-શેરી-ચોરો ને નિર્દોષ "તોફાન"
એ બચપણના હતા તે બધા પાછા પાત્રો લાવી દો.
એ પલકો નું શરમાવું યાદ છે મને,
ને તે પાંપળનું ઢળવું યાદ છે મને;
લે હવે રોજ એ બંધ આંખે જોવાનું,
એ આંસુનું સરવાનું યાદ છે મને.
કિરણમાં આજ કાણું કર્યું,ને મેં સ્હેજ અંધારું કર્યું,
વાદળનું બિછાનું કર્યું, ને મેં સ્હેજ નોધારું કર્યું.
મને લાગ્યો તો થાક, ઓ જિંદગી "તોફાન"થી,
ને અંધારાનું ખાણું કર્યું, ને મેં સ્હેજ ગોજારું કર્યું.