ઓ કાન્હા

વ્યાકુળ રાધા પૂછે, કેવી તારી કરામત કાન્હા,

ચહેરો મારો આયનો જુએ તો તુજ દેખાય 

ઓ...કાન્હા..!

ઝરૂખે થતો પંખીઓનો સુંદર એ કલરવ,

સંભળાય તેમાં સૂર વાંસળીના તારા,

ઓ... કાન્હા..!

સદનમાં સંભળાય જો કોઈના પગરવ,

તુજ હશે તેવો જ ભાસ થાય મને,

ઓ.. કાન્હા..!

પુકારે જો કોઈ મુજને મારા નામથી,

બેધ્યાની મુજને સંભળાતું તારું જ નામ,

ઓ...કાન્હા..!

હવાની આ આવતી ઠંડી લહેરખી રોમ સ્પર્શે,

તો લાગે કે તારા જ હાથનો સ્પર્શ છે,

ઓ...કાન્હા..!

દુનિયા દીવાની કહે મુજને તારા પ્રેમની,

એકવાર મળી આ દીવાનીને પ્રેમ તો આપ,

ઓ...કાન્હા..!

કેવી છે તારી આ અજીબ કરામત મારા કાન્હા

હૃદય મારુ પણ દરેક ધડકનમાં નામ છે તારું,

ઓ...કાન્હા..!