કદર

કરે માનવી નાના કામો તો થાય કદર આપણી,

હોય હૂંફ, લાગણીને પ્રેમ તો થાય કદર આપણી,

સત્યના પગલે ચાલો તો શોભે જીવન આપણું

નીતિને હૈયે રાખો તો આવી જાય જિગર આપણી,

બાગમાં ખીલે છે પુષ્પો માળીની દરકાર થકી

જીવનબાગ મહેંકી રહે સદા એ ડગર આપણી,

થાય અંતરમાં અજવાળું તો પ્રગટી રહે આતમજ્યોતિ

એ જ્યોતિના અજવાળે સફળ જિંદગાની આપણી,

હોય સંસ્કાર સિંચનને હોય મહેનતની લગન

સફળતા તેને જઈ વરે એ જ નજર આપણી.