ઈશ્વર કૃપા

ઈશ્વર કૃપાથી માનવ અવતાર મળ્યો,

માનવીમાં પણ ભૂદેવ અવતાર મળ્યો,

એ થકી તો ચેહર મા મળ્યાં.

ઈશ્વર કૃપાથી મા સરસ્વતી રીઝ્યા,

નિતનવુ લખવા પ્રેરણા આપી, 

એ થકી તો લખતાં આવડ્યું.

ઈશ્વર કૃપાથી સંયુક્ત કુટુંબ આપ્યું,

ભાવના પરિવારની હૂંફ મળી,

એ થકી તો જીવન સરળ બન્યું.

ઈશ્વર કૃપાથી જિંદગી જીવવા જેવી છે,

બીજાને મદદરૂપ બની શકાય છે,

એ થકી તો કર્મ સારા થઈ શકે છે.

ઈશ્વર કૃપાથી હૈયામાં દયા વહે છે,

માણસાઈ રાખીને જીવાય છે,

એ થકી તો શ્વાસ ચાલે છે.