એક છોકરી

કાલે રાતે એક ગજબ વાત થઈ ગઈ,

અજાણી છોકરી સાથે શબ્દોમાં મુલાકાત થઈ ગઈ.

શુ રૂપ એનું શુ રંગ, અવાજ કેવો નથી ખબર,

કાળી અંધારી રાતમા એ જાણે આફતાબ થઈ ગઈ.

જરુર કંઇક ખાસ હતુ એ છોકરીની વાતો મા,

જાણે ભર બપોરે સહારામા વરસાદ થઈ ગઈ.

નિરાશાના આ નર્ક મા ફરી રહ્યો હતો હુ જ્યારે,

એ આશા ની એક મોકળી વાટ થઈ ગઈ.

વાતો વાતો મા મારા જજબાત કહી દીધાં મે,

ખબર ના રહી કે ક્યારે રાત માંથી પ્રભાત થઈ ગયી.

હવે વાત ક્યારે થાશે કોને ખબર નિસર્ગ,

રાહ તાકતો રહ્યો ને હવે જો ફરી થી રાત થઈ ગયી.