ચાનક
ચાનક
1 min
6.9K
ચિત્તને ચાનક ચડી કે આપણે પણ સાંઈ થાવું.
આપણે પણ આભલાને આંબતી ઊંચાઈ થાવું.
ગંજ ખડકી ને થયા પર્વત તો તેમાં શી નવાઈ,
છે મજાનું વાટકી વ્યવહારની આ રાઈ થાવું.
એમ ભીતરમાં જઈને હું બન્યો છું જીવ તારો,
પણ બહુ મુશ્કેલ છે આ બ્હારથી પરછાંઈ થાવું.
ને સુગંધો એ રીતે ભળતી ગઈ સોના મહીં,
આ પીડાની પોઠ વચ્ચે આપણું શરણાઈ થાવું.
તું કહે તો હુંય રામાયણ લખું તુલસી બનીને,
શે'ર તો જાણે જ છે કેવી રીતે ચોપાઈ થાવું!