ચાલ ને દોસ્ત શિક્ષક બનીએ

કેળવણીની.કેડી કંડારીએ, 

ચાલને દોસ્ત, શિક્ષક બનીએ,

ઉત્સવોને ઉંબરો ટપાવી,

શિક્ષણને સાચો શ્વાસ દઈએ.

પરિપત્રની પળે પળ હોળીને,

બાષ્પ સ્વરૂપે બાળી દઈએ,

સોશિયલ મીડિયા સાઈડમાં મૂકીને

શિક્ષણનો જ એકડો ઘૂંટીએ.

દેખાડાનો ડોળ છોડી, 

થોડુંક બળીએ, દીવો બનીએ,

વર્ગખંડને જ સ્વર્ગખંડ બનાવી,

વર્ગના સાચા ઇન્દ્ર બનીએ.

કર્તવ્યોના કડવા ઘૂંટડા,

પી લઈને શંકર થઈએ,

શિક્ષણના આ સમરાંગણમાં,

કર્તવ્યનિષ્ઠ અર્જુન થઈએ.