ભાઈ બહેનનો ઝઘડો

તું તો કેતી તી કે નહીં કાપુ,

પતંગ મારો કાપે છે કેમ ? 

દોરી ખેં ચું તોય પતંગના ઉડે,

નાનકડી આંગળીને વાઢ પડે ઊંડે,

તું તો કેતી તી કે નહિ કાપું,

પતંગ મારો કાપે છે કેમ ?

મારો પતંગ છે લાંબી પૂંછડીયો,

તોય ના પતંગ મારો ઊંચે ઉંડીયો,

તું તો કેતી તી કે નહિ કાપું,

પતંગ મારો કાપે છે કેમ ?

આભ તો લાગે છે મોટું,

લૂંટવા વાળાએ લીધું છે સોટું,

તું તો કેતી તી કે નહિ કાપું,

ને પતંગ મારો કાપે છે કેમ ?

હવે તો હું ય ખેંચમ્ પટ્ટી કરવાનો,

ધાબા પર ઉભો નથી તારાથી ડરવાનો,

તું તો કેતી તી નહિ કાપું,

પતંગ મારો કાપે છે કેમ ?

મારા પતંગની કિન્ના તે બાંધી છે ખોટી,

ખૂબ છે દોરી ને ફિરકી છે મોટી,

તું તો કેતી તી કે નહિ કાપું,

પતંગને પતંગ મારો કાપે છે કેમ ?