આનંદ અલગ હતો

સપનાના બંગલામાં રહેવાનો આનંદ અલગ હતો,
પડછાયો હતો સાથે છતાં મળવાનો આનંદ અલગ હતો.

વસંતના દિવસો ઘણા વિતાવ્યા દોસ્તો વગરની યાદમાં,
એટલે જ તો સુદામાને ભેટવાનો આનંદ અલગ હતો.

ખરેખર સતાવી રહી છે મને વર્તમાનની આ જિંદગી,
એટલે જ તો બાળપણમાં પડવાનો આનંદ અલગ હતો.

સમય નથી ક્યાંક શ્વાસ લેવાનો થાક ભરી જિંદગીમાં,
એટલે જ તો કુદરત સાથે રમવાનો આનંદ અલગ હતો.

વિચારનો હોય જ્યાં એક સંકલ્પ ભગવાનના 'સાનિધ્ય'માં,
એટલે જ તો મને પ્રાર્થના કરવાનો આનંદ અલગ હતો.