આ જીંદગી

ઉછળકૂદ કરતા દરિયાનાં મોજા છે, આ જીંદગી,

નહિતર સરોવર ના શાંત પાણી છે, આ જીંદગી.

તોફાન પહેલાની નીરવ શાંતિ છે, આ જીંદગી,

ઘુઘવાટ કરતા પવનની લહેરો છે, આ જીંદગી.

છેલ્લે એક તારણમાં નીકળે છે, આ જીંદગી,

એની મેળે અવિરત વહ્યા કરે છે, આ જીંદગી.

ક્યાં ? કેમ? કેવી રીતે? વિતે છે, આ જીંદગી,

પ્રશ્નાર્થ ચિહ્નોની હારમાળા છે, આ જીંદગી.

રોજ અનેક સવાલ પૂછે છે, આ જીંદગી,

જવાબની રાહમાં જ ગુજરે છે, આ જીંદગી.

ભવસાગરમાં ભટક્યા કરે છે, આ જીંદગી,

અંતે થાકીને પંચતત્વમાં ભળે છે, આ જીંદગી.