నీలాకాశం
నీలాకాశం
1 min
240
తూరుపు నీలాకాశపు పొరల్లో వెలుతురు చొరబడి
చీకటి పొలిమేరల్లో వేకువ అలికిడి
కిరణం దిద్దెను వెలుగుతో ఒరవడి
వెలుగుల సాంద్రత పడి సంద్రంలో ఉరవడి
జిలుగు వెలుగుల ధాటికి చీకటి త్వరపడి
పలాయనం చిత్తగించె వడివడి
వలస పక్షులు ఆకాశాన సాగెను త్వరపడి
మేఘమాలికలు నింగిని మూగి ఊసులాడి
నానావిధ సుమములు విరిసె ముచ్చటపడి
పచ్చదనం మంచు పొరలను విదుల్చుకుని లేచె వేగిరపడి.
భారంగా లేచిన తీరం వెచ్చని వెలుతురు తాకిడితో స్ధిమితపడి
జగతి సమాయత్తమయ్యే మరో ఉదయరాగానికి తుంబురయై శృతిచేస్తూ...........
... సిరి ✍️