ଅଖଣ୍ଡ ନିର୍ଜନତା

*ଅଖଣ୍ଡ ନିର୍ଜନତା*

ଆଜି ଏ ନିର୍ଜନ ବେଳାରେ

ଶୁଭେ କା' ରୁଣୁଝୁଣୁ ।

କିଏ ଡାକୁଛି କି ମୋ ନାଁ ଧରି,

ବସିଛି କି କିଏ

ମୋ ଅପେକ୍ଷାରେ ।

ଛାଇଟିଏ ଲମ୍ବି ଆସିଛି

ଘର ଅଗଣାକୁ,

ମହମହ ବାସୁଛି ।

ଲାଗୁଛି

କେଉଁ ଅନ୍ଧାର ଗହ୍ୱରରୁ

ଶୁଭୁଛି କା' ଅନୁଚ୍ଚାରିତ ଶବ୍ଦ ।

ହୃଦୟରେ କିନ୍ତୁ

କ୍ଷୁଧାର କ୍ଷୋଭ,

ତୃଷାର୍ତ୍ତ ଓଠ

ଛଳଛଳ ଆଖି,

ହତାଶାର ଛାଇ ମନରେ।

ତଥାପି ଦୁଆର ଫିଟାଇଲି,

କେହି ତ ନଥିଲେ

ଖାଲି ଥିଲା

ମୁରୁଝାଇ ପଡ଼ିଥିବା

ମଲ୍ଲିମାଳଟେ,

ସରୁ ସରୁ ପାଦଚିହ୍ନ କେଇଟା

ଆଉ ଅଖଣ୍ଡ ନିର୍ଜନତା ।।