Quotes New

Audio

Forum

Read

Contests


Write

Sign in
Wohoo!,
Dear user,
પારેવાં લ્યો !
પારેવાં લ્યો !
★★★★★

© Neeta Kotecha

Others

1 Minutes   7.1K    3


Content Ranking

પાળે ઘુમે પારેવડાં પારેવાં લ્યો,

ટોડલે ઘૂમે મોર, માના જનમ્યા ! પારેવાં લ્યો.

પાંચ ધોળાં પાંચ વાદળી પારેવાં લ્યો,

આંખડી રાતી ચોળ, માના જનમ્યા ! પારેવાં લ્યો.

આંગણીયે પગ પાડતાં પારેવાં લ્યો,

ધૂળમાં ગૂંથે ફુલ, માના જનમ્યા ! પારેવાં લ્યો.

જોડલું જૂદું થાય નૈ, પારેવાં લ્યો,

રોજ પારેવી સંગ માના જનમ્યા ! પારેવાં લ્યો.

આભને આરે ઉડતાં પારેવાં લ્યો,

પોઢતાં પૃથવીમાંય માના જનમ્યા ! પારેવાં લ્યો.

અસળ ધાન આરોગતાં પારેવાં લ્યો,

નીકર કાંકરી ખાય, માના જનમ્યા ! પારેવાં લ્યો.

ચબૂતરે એનાં બેસણાં પારેવાં લ્યો,

રાજમોલુંને ગોખ માના જનમ્યા ! પારેવાં લ્યો.

બેનીબાએ બોલાવીયાં પારેવાં લ્યો,

તીતી ! તીતી ! બોલે માના જનમ્યા ! પારેવાં લ્યો.

આંગળીએ ઉડી બેસતાં પારેવાં લ્યો,

હથેળીએ ચણ ખાય માના જનમ્યા ! પારેવાં લ્યો.

ઝીણી ઝીણી ચાર ઝાંઝરી, પારેવાં લ્યો,

ઘૂઘરીઆળી ઘડાવો માના જનમ્યા ! પારેવાં લ્યો.

ભાભલડી પે'રાવશે પારેવાં લ્યો,

પારેવડાંને પાય માના જનમ્યા ! પારેવાં લ્યો.

રૂમઝુમન્ત નેવલે પારેવાં લ્યો,

ઓસરીએ ઘમકાર માના જનમ્યા ! પારેવાં લ્યો.

પારેવા આગણું ચબુતરો કવિતા

Rate the content


Originality
Flow
Language
Cover design

Comments

Post

Some text some message..