ତ୍ରିରଙ୍ଗା ବାନାକୁ ଉଡେଇ
ତ୍ରିରଙ୍ଗା ବାନାକୁ ଉଡେଇ
1 min
205
ଉଡ଼ି ଉଡ଼ି ଆମେ ବୁଲୁଛୁ
ସ୍ୱାଧୀନତା ଡେଣା ବାଡେଇ
ଗୋଲାମୀ ପଞ୍ଜୁରୀ ଭାଙ୍ଗିଛୁ
ଭାରତର ସୁନା ଚଢ଼େଇ
ଆମରି ଅନ୍ତରେ ଜଳୁଥିଲା ଖାଲି l
ମହା ସଂଗ୍ରାମର ନିଆଁ
ବିଲାତ ଶାସନ ଏ ଦେଶ ଉପରେ
ଚଲେଇବ କୁହ କିଆଁ
ଏକତାରେ ମିଶି ବାନ୍ଧି ହେଲୁ l
ଅଖଣ୍ଡତା ଆମ ଦେଖେ଼ଇଲୁ
ଇଂରେଜ ବିରୋଧୀ ପୁଣି ହେଲୁ
ବର୍ଷ ବର୍ଷ କଲୁ ଲଢେଇ
ଉଡ଼ି ଉଡ଼ି l
ଫିରିଙ୍ଗି ଶାସନ ହେଲା ଉତ୍ପାଟନ
ସଂଗ୍ରାମର ନିଆଁ ଦେଖି
ଚିରଦିନ ପାଇଁ ଭାରତ ଛାଡିଲେ
ଆମ ହାତେ ଦେଶ ଟେକି l
ମନେ ଥିଲା ନବଜାଗରଣ
ପ୍ରାଣ ଦେଇ କରିଥିଲୁ ପଣ
ଅନ୍ତେ ଏ ମାଟି ହେଲା ସ୍ଵାଧୀନ
ତ୍ରିରଙ୍ଗା ବାନାକୁ ଉଡେଇ
ଉଡ଼ି ଉଡ଼ି l