ମୋର ଗାଁ
ମୋର ଗାଁ
1 min
414
ସହର ଠାରୁ ବହୁ ଦୂରରେ
ପାହାଡ ତଳେ ଗାଁ
ଯେଉଁ ମାଟିରେ ଜୀବନ ମୋର
ଅମୁଣିଆ ସାହିତା ନାଁ l
ଯେବେ ମୁଁ ଆସି ପହଁଚି ଯାଏ
ମୋ ଗାଁର ମୁଣ୍ଡରେ
ଆପଣା ଛାଏଁ ବାହାରି ଯାଏ
ଗାଉଁଲି ଭାଷା ତୁଣ୍ଡରେ l
କଇଁ ପୋଖରୀ ସୁନ୍ଦର ଦିଶେ
ହଳଦୀ ପଥର ତୁଠ
ସେଇଠୁ ଅଛି ଅନତି ଦୁରେ
ସିଂହନାଥଙ୍କ ପୀଠ l
ବହି ବସ୍ତାନି ଧରି ପିଲାଏ
ଚାହାଳୀ ଯାଆନ୍ତି ବାହାରି
ଭବିଷ୍ୟତ କୁ ଗଢି ତୋଳନ୍ତି
ପାଠ ପଢାରେ ତାଙ୍କରି l
ଧାନ କ୍ଷେତରେ ସୁନା ଲହରୀ
ଚାଷୀ ଭାଇଙ୍କ ହାତରେ
ସାରା ବିଶ୍ବକୁ ଖାଦ୍ୟ ଯୋଗାଇ
ନିଜକୁ ରଖି ଭୋକରେ l
ଦୁର୍ଲ୍ଲଭ ଯେଉଁ ଘର ଚଟିଆ
ଆଜି ଏ ଦୁନିଆରେ
ମଧୁର ସୂରେ ଗୀତ ଗାଆନ୍ତି
ଘର ମଥାନ ପରେ l
ଗାଁ ମେଳିଠୁ ଶକତି ନାହିଁ
ସ୍ନେହ ମମତାରେ ବନ୍ଧା
ତା ପାଦ ତଳେ ନିତି ମୁଁ ଢାଳେ
ମୋ ସମ୍ମାନ ସରଧା ll