ତମେ, ତମେ ନୁହଁ ସେ ଠିକଣାରେ

ଖୁବ ଭଲ ତମେ ସଂଗେ

ଆଖି ନ ମିଳିବା

ସେ ଠିକଣାରେ ।

 

କଣ ଦେଖିଥାନ୍ତି ମୁଁ

ସାବଜା ଶାଢୀରେ ଢଙ୍କା

ତମ କାକୁଡି ପରି ହାତ ଗୋଡ

ମୋଗଲସରାଇର ପିଜୁଳି ପରି ସ୍ତନ

ଆଖି ଦିଟା ଅଙ୍ଗୁର

ଅଳପ ଟିକେ ରଙ୍ଗରେ

ମଡର୍ଣ୍ଣ ଆର୍ଟ ହେଇଥିବା ମୁହଁ ।

 

ତା ଭିତରେ

ଖୁବ ପୁରାତନ କ୍ଷୁଧା

ଇଙ୍ଗିତ ଆକ୍ରମଣ

ଆଉ କିଛି ଅଧିକ ଟଙ୍କାରେ

ହୁଏତ କିଣି ହେବ

ଆହୁରି ଅସଂଜତ ବିଶେଷଣ ।

 

ଖୁବ ଭଲ ତମ ସଂଗେ

ଆଖି ନ ମିଳିବା

ସେ ଠିକଣାରେ ।

 

ସେଠି ତ ଆଉ

ତମେ, ତମେ ନୁହଁ

ତମେ, ତମ ଦେହ

ମୁଁ, ମୋର କ୍ଷୁଧା

ଆଉ ବେଜାଏ ପଇସା ।