ସ୍ମୃତି ମୋର ରହିଥିବ

ଝରି ବରଷାରେ

ଶୀତ ସକାଳରେ

ଅବା, ନିଦାଘ ଖରାରେ ।

ମନର ଦରଜା

ଖୋଲି,ପଶିଆସ

ତୁମେ,ଆଖି ପଲକରେ ।

ବିନ୍ଦୁ ବିନ୍ଦୁ ମେଘେ

ଭିଜି ଯାଏ ଦେହ

ମନ ଭିଜେ ତୁମ ପ୍ରେମେ ।

ଫଗୁଣ ଫୁଲରେ

ରଙ୍ଗ ଅବିରରେ

ଭିଜି ଭିଜି ମନ ଝୁମେ ।

ଆଖି ବୁଜିଦେଇ

ଦେଖୁଛି ତୁମକୁ

ଆଖି ଖୋଲିଲେ ବି ତୁମେ ।

ଏଇ ତୁମେ ଅଛ

ଏଇ ତୁମେ ନାହଁ

ସମୟ ଦୋଳିରେ ଝୁମେ ।

କେବେ ସେ ଝୁଲାଏ

ଫୁଲର ଦୋଳିରେ

କେବେ ଚଲାଏ ନିଆଁରେ ।

କେବେ ଝରାଏ ସେ

ଓଠୁଁ ହସଫୁଲ

କେବେ ଭିଯାଏ ଲୁହରେ ।

ସମୟର ନଈ

ଯାଏ ବହି ବହି

ତା'ସୁଅରେ ଭାସୁଅଛି ।

ମନ ସିନ୍ଧୁକରେ

ସୁନା ଫରୁଆରେ

ସ୍ମୃତି ସ୍ୱପ୍ନ ସଯାଇଛି ।

ସମୟ ଗଡିବ

ନଈ ବି ବହିବ

ସୁଅ ଭାସି ଭାସି ଯିବ ।

ସେଇମିତି ସେଇ

ସୁନା ଫରୁଆରେ

ସ୍ମୃତି ମୋର ରହିଥିବ ।