ଶୀତ

ଦିନରଆୟୁଷ କୁ କମେଇ

ସେ ରାଜୁତି କରୁଛି

ସୋରିଷ ଫୁଲର କ୍ଷେତରେ

ଅଳସ ରବିର କିରଣକୁ ଥାପିଦିଏ

ଧୀରେଧୀରେ ଧରା ପୃଷ୍ଠ ରେ

ଭିଜେଇଦିଏ ଅନ୍ଧାରକୁ ଶିଶିର ଜଳେ

କେତେ ପୁଣ୍ୟ ଆର୍ଜେ

କାର୍ତ୍ତିକରେ ହବିଷ୍ୟାଳି ଗହଳରେ

ଅଁଳା ଗଛ ତଳେ ,ସୋଲ ଡଙ୍ଗାରେ

ଘରେ ଘରେ ବିରାଜିତ ହୁଏ

ମହାଲକ୍ଷ୍ମୀ ବେଶେ ପକ୍ଵ ଧାନର ସ୍ଵାକ୍ଷରରେ

ଗୀତ ହୋଇ ଭାସିଆସେ

କୃଷକ ଅଧରେ

ନିଜକୁ ଆଉଟିକେ ନିଜର କରେ

ମଖମଲି କମ୍ବଳରେ

ହାତବୁଣା ସ୍ଵେଟର ,ମଫଳରରେ

ଭରିଦିଏଭିନ୍ନ ମାଦକତା

ପଲ୍ଲୀ ସହର ଅଗଣା ଦାଣ୍ଡରେ

ନିଜର ସେଇ କୁହୁକ ସ୍ପର୍ଶରେ