ଶଗଡ ଗାଡି

ମନେପଡିଯାଏ ଶଗଡଗାଡିରେ, 

                  ଯାଉଥିଲୁ ମାମୁଁଘର !

ବଳଦମାନେ ଭି ଜାଣିପାରୁଥିଲେ, 

               ଥାଉପଛେ ଯେତେଦୂର !!

ମାମୁଁଘର ଯିବା ଶଗଡଗାଡିରେ, 

                ହୋଇଲା ଏବେ ସପନ !

ଆଜିକାଲି ପିଲେ ଜାଣିପାରିବେନି, 

                 ଶଗଡ ଗାଡିଟି କ'ଣ ?

ଶଗଡଗାଡିରେ ପୁରି ଉଠୁଥିଲା, 

                ଗାଆଁଗଣ୍ଡା ଘରଦ୍ବାର !

ନବବିବାହିତା ଲୁହ ପୋଛି ପୋଛି, 

                ଯାଉଥିଲା ଶାଶୁଘର !!

ଧାଡିଧାଡି ହୋଇ ଶଗଡଗାଡିରେ, 

                ଯାଉଥିଲେ ଛାଡି ଝିଅ !

ବିବାହିତା ଝିଅ ଛାଡିଯିବା ଦୃଶ୍ୟ, 

                ମନରୁ ଉଠଇ କୋହ !!

ଶାଶୁଘରୁ ଝିଅ ଲେଉଟାଣି ବେଳେ, 

                 ଗାଆଁ ଦାଣ୍ଡ କମ୍ପୁଥିଲା !

ଶାଶୁଘର ପୁଣି ଫେରିଯିବା ଦୃଶ୍ୟ,

                ଗାଆଁସାରା କାନ୍ଦୁଥିଲା !!

ବଳଦମାନଙ୍କୁ ସଜାଇ ସଉକେ, 

                ନେଉଥିଲେ ବନ୍ଧୁଘର !

ଶଗଡ ବଳଦ ପୂଜା କରୁଥିଲେ, 

                  ଆରପକ୍ଷ ବନ୍ଧୁଘର !!

ଧନୀଗରିବଙ୍କ ଯାତାୟତ ପାଇଁ ,

                 ଶଗଡ ଥିଲା ମାଧ୍ୟମ !

ସହରକୁ ଆସି ଶଗଡଗାଡିରେ, 

                କରୁଥିଲେ କେତେ କାମ !!

ଶଗଡଗାଡିର "କେଁ,"କଟର .

                 ମନରେ ଗୁଞରୀ ଯାଏ !

ଶୁଭୁନାହିଁ ଆଉ ସେ ପ୍ରିୟ ଶବଦ,

                 ଦୁନିଆଁ ବଦଳିଯାଏ !!

ଶଗଡଗାଡିର ଅନୁଭୂତି ସବୁ, 

                  ସ୍ମୃତି ହୋଇ ରହିଯିବ !

ସତେ କ'ଣ ଆଉ ଶଗଡଗାଡି ତା, 

               ମର୍ଯ୍ୟାଦା ଫେରିପାଇବ ? !!