ସେଇ ମାମୁଘର ଗାଁ
ସେଇ ମାମୁଘର ଗାଁ
1 min
344
ମଲାଗୁଣି ତୀରେ ଜଙ୍କିଆ ପାଖରେ
ସେଇ ମାମୁଘର ଗାଆଁ
ରଣପୁର ରାସ୍ତା ଯେଉଁଠୁ ପଡିଛି
ହଜ ଅଟେ ତାର ନାଁ ।
ମାଟି ପାଣି ଆଉ ପବନର ମୁହଁ
ଯେଉଁଠାରେ ହସ ହସ
କିଆ ଗୋହିରିଠୁ ଦୂର ତାଳବଣ
ମିଠା ସବୁ ପରିବେଶ ।
ଗାଁ ମୁଣ୍ଡର ସେ ନାଟେଶ୍ୱର ଦେବ
ସିଦ୍ଧ ଖଣ୍ଡୁଆଳ ଦେବୀ
ମଝିରେ ସୁନ୍ଦର ଦେବ ବାସୁଦେବ
କାମନା ମନ୍ଦିର ଛବି ।
ନଇ ଆରପାରେ ଗହୀର ନିକଟେ
ପ୍ରଭୂ ରଘୁନାଥ ବିଜେ
ରାମ ଓ ଲଖଣ ସୀତା ହନୁମାନ
ପାଖରେ ଏମନ ହଜେ ।
ବାଇଗଣ ଭେଣ୍ଡି ଖଡା ଓ କଖାରୁ
କେତେ ଯେ ପରିବା ଚାଷ
ଚାଷୀ ଓଠେ ହସ ଖୁସି ପରିବେଶ
ଆଠକାଳି ବାରମାସ ।
କେତେ ଯାନିଯାତ
କେତେ ଭୋଜିଭାତ
ଆମ୍ବତୋଟା ଚାଳ ଘର
ଭାରି ଆପଣାର ସବୁଠୁ ସୁନ୍ଦର
ସେଇ ମୋର ମାମୁଘର ।