ସ୍ଵାଧୀନ ରାଜା
ସ୍ଵାଧୀନ ରାଜା
ଡିଆଁ ଡେଇଁ ଆଉ କରନାହିଁ ନେତା
ନୀତି ଆଦର୍ଶରେ ରୁହ,
ସେବା କରିବାକୁ ପଣ କରିଥିଲ
ସ୍ଵାର୍ଥ କଥା କାହିଁ କୁହ ?
ମିଛ ସତ କହି ମତଦାନ ନେଲ
ନିରିହ ଭୋଟର ଠାରୁ,
ରାଜଗାଦି ଯେବେ ହସ୍ତଗତ ହେଲା
ଦୁଃଖ ଦେଖିଲନି ଦୂରୁ।
ନିଜ ଦୁଃଖ ଯେତେ ଦୂର କରିଦେଲ
ବିଭିନ୍ନ ଉପାୟ କରି,
ମାନ ସନମାନ ସେବାର ବାଇଦ
ବଜାର ଆସିଛ ଫେରି ।
କାଳିଆ ଲେଖିଛି ସଵୁ ପାପ ପୂଣ୍ୟ
ବିନ୍ଦୁଏ ଦେଇନି ଛାଡ଼ି,
ଛଳ କପଟକୁ କି ଦଣ୍ଡ ରଚିତ
ଘୋରୁଅଛି ମୁଣ୍ଡା ଖଡ଼ି ।
ବୟସର ଅଙ୍କ ନିତି ଛିଡୁଥାଏ
ଏକଥା ଭୁଲନି କେହି,
ଆତ୍ମଗ୍ଲାନି ଦୁଃଖ ନ ଦେଖିଲା ବ୍ୟାଧି
କିଣ ପରଜନ୍ମ ପାଇଁ ।
ଉଦ୍ଧାର ନିମନ୍ତେ ଦାନ ଧର୍ମ କର
ଅର୍ଜିଲା ସମ୍ପତ୍ତି ମାନ,
ଅହଙ୍କାର ଛାଡି ହସ୍ତେ ଚିତ୍ତେ ସେବ
ପ୍ରତି ନର ନାରାୟଣ ।
କାଳ କାଳ ପାଇଁ ଶାସନ କରିବ
ଝୁରିବେ ସକଳ ପ୍ରଜା,
ଦଳ ଡେଇଁବାକୁ ପଡ଼ିବନି କେବେ
ହୋଇଲେ ସ୍ଵାଧୀନ ରାଜା ।।