ରବି ଫସଲ

ରବି ଫସଲର କବାର ଚାଲିଛି

ପଲ୍ହା ରୁଆ ଚାଷ ଜମି,

କୃଷକ ଦଦା ଯେ ହଳ କରୁଅଛି

ନଥାଇ ବି ମଉସୁମୀ |

କେନାଲ ଜଳରେ ହିଡ଼ ବାନ୍ଧି ଦଦା

ଦେଉଛି ପାଣି ମଡ଼େଇ,

ହଳ ଲଙ୍ଗଳରେ କାଦ କରି ସେ ତୋ

ତା'ସଙ୍ଗେ ଦେଉଛି ମଈ |

ନଦୀ ଜଳ ମାଡି ଚାଷ ଜମି ଠାନେ

ବିହନ ହୁଅଇ ଗଜା,

ବିହନରୁ ପଲ୍ହା ରୁଆ ବୁତା ସାରି

ଦଦା ଯେ ବନିବ ରଜା |

ଧାନ ମନ୍ଦା ଦିଶେ ସବୁଜ ସୁନ୍ଦର

ଗ୍ରୀଷ୍ମକୁ ଖାତିରି ନାହିଁ,

ଟାହି ଟାହି ଖରା ବାଜିଲେ ବି ଦେହେ

ଠିଆ ସେ ସତେଜ ହେଇ |

କାର୍ତିକ ମାଘରୁ ପ୍ରାରମ୍ବ ଫସଲ

ଅମଳ ଚୈତ ବୈଶାଖ,

ତାପ ନିଅନ୍ତ୍ରିତ ବିହନକୁ ବୁଣି

କୃଷକ ମାରଇ ଭୋକ |

ଖରିଫ ଫସଲେ ନିର୍ଭର ମୌସୁମୀ

ଲୋଡ଼ା ସିନା ଭାରି ଜଳ,

ହେଲେ ରବି ପାଇଁ ସ୍ୱଳ୍ପ ଜଳେ ମଧ୍ୟ

ଫସଲ ହୁଏ ଅମଳ |

ଜୟ କିସାନ କହି ସ୍ଵଗରବେ ମୁହିଁ 

କରୁଛି ତାଙ୍କୁ ପ୍ରଣାମ,

ମୁଣ୍ଡେ ଝାଳ ତୁଣ୍ଡେ ମାରି ଯେଉଁମାନେ

ଯୋଗାନ୍ତି ପେଟକୁ ଅନ୍ନ |