ରାମ ରାଇଜ ପୁଣି ଫେରି ଆସିବ

ରାମ ରାଇଜଟା ସଅଳ ଆସିବ 

     ବନିଲାଣି ରାମ ମନ୍ଦିର |

ମନଟା ମୋର କୁଣ୍ଢେ ମୋଟ ହେଲା 

     ଶୁଣି ଦେଲି ସେ ଖବର |

ଅଫିସର ଆଉ ଲାଞ୍ଚ ନେବେ ନାହିଁ 

    ନେତା କହିବେନି ମିଛ |

ଚୋର ଡକେଇତ ବାଲ୍ମୀକି ହୋଇବେ 

    ଧନ ଜନ କରି ତୁଚ୍ଛ |

ଶିକ୍ଷାଦାନ ଆଉ ବେପାର ହବନି 

    ଗୁରୁ ଛାଡି ହରତାଳ |

ଡାକ୍ତର ବୁଲି ରୋଗୀଙ୍କୁ ଖୋଜିବେ 

    ଦୁର୍ବଳ ହେବେ ସବଳ |

ଟଙ୍କାରେ ଦି କିଲୋ ପରିବା ମିଳିବ 

    ଦଶ ଟଙ୍କାରେ ପେଟ୍ରୋଲ |

ଅଦାନୀ ଅମ୍ବାନୀ ଟଙ୍କା ବାଣ୍ଟି ଦେବେ 

    ରାମ ନାମେ ହରିବୋଲ |