ପୁଣି ଶରତ ଆସିଛି

ଗୋଟାଏ ବର୍ଷର ପ୍ରତୀକ୍ଷା ପରେ

ପୁଣି ଶରତ ଆସିଛି

ସହର ନଗର ପଥ ପ୍ରାନ୍ତର

ପାର୍ବଣ ପାର୍ବଣ ବାସୁଛି

ଗୋଟାଏ ବର୍ଷର ପ୍ରତୀକ୍ଷା ପରେ

ପୁଣି ଶରତ ଆସିଛି ll

ଅନେକ ଦିନ ବିତିଯିବା ପରେ

ବିଲେ କାଶତଣ୍ଡୀ ଫୁଟିଛି

ପୂରୁବ ଦିଗର ନିର୍ମଳ ଆକାଶେ

ଧଳା ମେଘଖଣ୍ଡ ଉଠିଛି

ଗୋଟାଏ ବର୍ଷର ପ୍ରତୀକ୍ଷା ପରେ

ପୁଣି ଶରତ ଆସିଛି ll

ସବୁଥର ପରି ଏଥରବି କାଶତଣ୍ଡୀ

ଅଭିମାନ କିଛି ବୁଣିଛି

ଦିନ କେଇଟାରେ ରୁତୁ ଫେରିଯିବ

ଆଜିଠୁ ସବୁ ସେ ଜାଣିଛି

ସେଇଥିପାଇଁତ ଶରତ ଏସନ

ମାସେ ଅଧିକା ଆୟୁଷ ଆଣିଛି ll

ବରଷା ରୁତୁଟା ବିତିଯିବା ପରେ

ସଫା ଆକାଶରେ ଜହ୍ନ ହସୁଛି

ପାହାନ୍ତି ପହିଲି ଶିଶିର ଛୁଆଁରେ

ଝରା ଶେଫାଳିଟା ଅଧିକା ରଙ୍ଗୀନ ଦିଶୁଛି

ଗୋଟାଏ ବର୍ଷର ପ୍ରତୀକ୍ଷା ପରେ

ପୁଣି ଶରତ ଆସିଛି ll