ପ୍ରକୃତ ମଣିଷ

         

ସୌନ୍ଦର୍ଯ୍ୟ ମୟୀ ଧରଣୀ ବକ୍ଷରେ

       ଦୁର୍ଲଭ ମନୁଷ୍ୟ ଜନ୍ମ

ଲକ୍ଷ ହେଉ ଏକ ନସ୍ୱର ଜୀବନେ

     ହେବାକୁ ପ୍ରାପ୍ତି ବ୍ରହ୍ମ l

ଦୁଃଖ ପୂର୍ଣ୍ଣ ଏଇ ସଂସାର ସାଗରେ

        ଵିନ୍ଦୁଏ ସୁଖ ପାଇଁ

ଖୋଜି ଖୋଜି ଆଜି ମାନବ ଜୀବନେ

       ପଡିଛି କ୍ଲାନ୍ତ ହୋଇ l

କ୍ଷଣିକ ଜୀବନେ କ୍ଷଣକର ସୁଖ

       ହୋଇଛି ଏକାନ୍ତ ଲକ୍ଷ

ସୁଖ ଅନ୍ୱେଷଣେ ପାସୋରି ଦେଇଛି

      ପ୍ରକୃତ ଜୀବନ ଲକ୍ଷ l

ଅସୀମ ଆଶାର ପୂର୍ତ୍ତି ନିମନ୍ତେ

       ଚେଷ୍ଟିତ ସେ ସର୍ବଦା

ଅନୀତି ଅଧର୍ମ କରିବାକୁ କେବେ

     ବୋଧ କରେନାହିଁ ଦ୍ଵିଧା l

କ୍ରୋଧ ଇର୍ଷା ଦ୍ୱେଷ ଗର୍ବ ଅହଂକାର

       ପୂର୍ଣ୍ଣ ତା ସାରା ଶରୀରେ

ନ ବୁଝି ପାରଇ ଦରିଦ୍ରର ଅଶ୍ରୁ

       ଅନ୍ଧ ଆଜି ସେ ସ୍ୱାର୍ଥରେ l

ମନୁଷ୍ୟ ଜୀବନେ ପ୍ରକୃତ ଶାନ୍ତି

       ଖୋଜି ଖୋଜି ଯେ ନିରାଶ

ଅନ୍ୟ ଅଧରୁ ଯେ ପୋଛିଦିଏ ହସ

       ସେଇ କଣ ପ୍ରକୃତ ମଣିଷ l