ପ୍ରେମ ଓ ପ୍ରତାରଣା

ତମେ ଥିଲ ଦିନେ ରାତିର ଚନ୍ଦ୍ରମା 

ମୋର ଜୀବନେ ଥାଇ, 

ଏବେ ହେଇଗଲ ଚନ୍ଦ୍ରମାର 

କଳାଦାଗଟିଏ ହୋଇ |

ତମେ ଶ୍ରାବଣରେ ଥିଲ ଦିନେ ମୋର

 ବରଷା ରାଣୀଟେ ସାଜି,

ଏବେ ହେଇଗଲ ଗ୍ରୀଷ୍ମ କାଳର 

ଝାଞ୍ଜି ଖରାର ତାତି |

ତମେ ଥିଲ ମୋର ଗୋଲାପ ଫୁଲଟେ 

ଫୁଟୁଥିଲ ନିତି ଦିନ, 

ସେହି ଗୋଲାପକୁ କିଏ ନେଲା ତୋଳି 

ଭାଙ୍ଗିଦେଇ ମୋର ମନ | 

ତମ ପାଇଁ ଦିନେ ତୋଳିଥିଲି ଘର

ଜହ୍ନ ରାଇଜକୁ ଯାଇ,

ଆସିଲା ଯେ ଦିନେ ଝଡ଼ଟିଏ କାହୁଁ 

ଘର ମୋର ଦେଲା ଧୋଇ | 

ତମ ପାଇଁ କେତେ ଦେଖିଥିଲି ସ୍ୱପ୍ନ 

ତମକୁ ପାଇବା ପାଇଁ, 

ସ୍ୱପ୍ନ ମୋର କିଏ ଭାଙ୍ଗିଦେଲା ଆସି

ନିଦରୁ ପଡ଼ିଲି ଚେଇଁ | 

ସୁନା ସବାରୀରେ ଆସିବ ବୋଲି ମୁଁ

କରିଥିଲି କେତେ ଆଶା,

କୋଉ ରାଇଜର ରଜାପୁଅ ତମ

ମନରେ ବାନ୍ଧିଲା ବସା |

ମୁଁ ଥିଲି ଦିନେ ତମରି ପାଇଁକି

ହୃଦୟର ରାଜା ହୋଇ,

କାହାରି ପ୍ରେମରେ ପଡ଼ିଗଲ ପ୍ରିୟା

ତମେ ମତେ ଭୁଲିଯାଇ |

ହୃଦୟକୁ ତମ କଲକି ପଥର

ମନେକି ମୁଁ ପଡ଼ୁ ନାହିଁ,

କେମିତି ଭୁଲିବି ତମକୁ ଯେ ମୁହିଁ

ଦିଅ ପ୍ରିୟା ମତେ କହି ||