ନଈ

ନଈ ରେ ନଈ ତୁ କୁଆଡକୁ ଯାଉ

ଅଙ୍କେଇ ବଙ୍କେଇ କହ

ସାଙ୍ଗ ସାଥୀ ତୋର ରହିଲେ କି ଦୂରେ

ସେ ପାଇଁ ମନରେ କୋହ ।

ବାଟ ସାରା କେତେ ସାଙ୍ଗ ଭେଟି ଭେଟି

ଶେଷ ତୋ ସମୁଦ୍ର ଜଳ

ଖୁସି କିଆଁ ହେଉ ସାଗରରେ ମିଶି

ପାଇଲୁ କି ପୂଣ୍ୟଫଳ ।

କେତେ ଜୀବଜନ୍ତୁ ତୋଅରି ପାଇଁକି

ଆନନ୍ଦରେ ରହିଛନ୍ତି

ଜନ ଜୀବନଙ୍କ ଭରସା ପା ତୁହି

ଆକୁଳରେ ଚାହିଁଛନ୍ତି ।

ମାଆଲୋ ମମତାମୟୀ ସ୍ରୋତସ୍ବିନୀ

ଗୁହାରୀ କରୁଛି ତୋତେ

ଏଇମିତି ଭାବ ରଖିଥିବୁ ସଦା

ପର କରିବୁନି ସତେ ।

ତନୁ ପାତଳୀ ତୁ ଯେତେବେଳେ ଥାଉ

କି ସୁନ୍ଦର ମାଲୋ ଦିଶୁ

ଫୁଲିଯାଏ ଯେବେ ଶରୀର ତୋହର

ବନ୍ୟାପାଣି ନେଇ ଆସୁ ।

କେତେ ଘରଦ୍ବାର ଜୀବଜନ୍ତୁ ମାନେ

ତୋ ପାଣିରେ ଭାସିଯାନ୍ତି

ଚଟା ପଡିଯାଏ ଚାଷ ଜମି ଯେତେ

ଫସଲ ଲୀନ ହୁଅନ୍ତି ।

କାଳିଆ ପାଖରେ କରୁଛି ମିନତୀ

ଟିକିଏ କରୁଣା କରି

ନଈ ର ତରାଳ ରୂପ ନ ଦେଖାଇ

ସବୁଜିମା ଦିଅ ଭରି ।