ନାଟକର ଶେଷ ଦୃଶ୍ୟ

କାହିଁକି ବାଛିଲ ଏମିତି ଏକ ନାଟକକୁ 

ଯେଉଁ ନାଟକର ସବୁତକ ଅଭିନୟ ସତ ପରି ଲାଗେ 

ଚରିତ୍ର ସବୁ ଜୀବନ୍ତ ହେଇ ଉଠନ୍ତି

ମୁଖା ପିନ୍ଧା ଲୋକଙ୍କ ଛଳନାରେ 

ମୁଁ ସର୍ବହରା ହେଇଯାଏ ।

ତମେ ଠିକ୍ କହିଥିଲ 

ରଙ୍ଗମଞ୍ଚରେ ଦୃଶ୍ୟ ପରେ ଦୃଶ୍ୟ ବଦଳେ 

ହେଲେ ଚରିତ୍ର ସମାନ ଥାଏ,

ହେଲେ ତମ ନାଟକରେ ଯେ

ଏ କଥାଟା ଠିକ୍ ଓଲଟା ।

ଜାଣିବା ବେଳକୁ 

ଦୃଶ୍ୟ ସରିଯାଏ, ପରଦା ପଡ଼ିଯାଏ ।

ଶୁଣିଛି,

ସବୁ ନାଟକର ଶେଷ ଦୃଶ୍ୟରେ 

ଚରିତ୍ର ମାନଙ୍କ ମୁଖା ଖୋଲେ 

ଆଉ ମୁଖ୍ୟ ଚରିତ୍ର ପ୍ରକୃତ ପାଉଣା ପାଏ 

କିନ୍ତୁ ଜାଣିନଥିଲି ,

ଏଇଟା ଯେ ତୁମ ସ୍ୱରଚିତ ନାଟକ

ଯେଉଁ ନାଟକରେ କେବଳ

ତୁମ ଅବଜ୍ଞା ଓ ଭର୍ସ୍ଛନା ଭୋଗି ଭୋଗି

ଶେଷ ଦୃଶ୍ୟରେ 

ମୁଁ ମରିଯାଏ !! ନାଟକ ସରିଯାଏ ।