ମୌସୁମୀ

ଆଃ..... ମୌସୁମୀ ତୁମେ ଖୁବ ସୁନ୍ଦର -

ଅନେକ ପ୍ରତୀକ୍ଷାର ଅନ୍ତ ଘଟାଇ

ବରଷି ଯାଅ ତୃଷାତୁର ବୁକୁରେ ଧରଣୀର.

ଘନ ଘୁମୁର ତୁମ ପଣତରେ

ଲୁଚାଇ ଦିଅ, ସୁର୍ଯ୍ୟମୟୀ ରୂପ,

ଆକାଶର ଅମୃତ ଝରିଯାଏ ପୂର୍ଣ୍ଣମୀରେ

ଦେବସ୍ନାନର ଅଭିପ୍ଶା ନେଇ

ଜଳାଅ ଅନେକ ହୃଦୟରେ ଦୀପ l

ଧୂସରିତ ବନାନୀ, ବୃକ୍ଷମାଳା

ସଦ୍ୟସ୍ନାତା କିଶୋରୀ ରୂପେ, ପିନ୍ଧଇ

ସବୁଜ ରଙ୍ଗର ପାଟ;

ପାଉଁଜିର ଛମ ଛମ ଶବ୍ଦରେ ତୁମେ

କବି ପ୍ରାଣ କର ରୋମାଂଚିତ l

ମୟୁରର ଛନ୍ଦ ତୋଳେ

କେଶୀ ପ୍ରାଣେ ଅଭିସାର ଓ

ଫୁଲେ ଫୁଲେ ମଧୁମୟ ଗନ୍ଧ,

ବର୍ଷା ଟୋପାରେ ଆଣି ଭରିଦିଅ

ଦେବତାର ବସ୍ତ୍ରରେ ଆକାଶର ରଙ୍ଗ I

ତୁମେ ତ ପାହାଡି ଝରଣା ହୋଇ

ବହିଯାଅ ବଣରେ, କ୍ଷେତରେ l

ବନ୍ଧ ଭାଙ୍ଗେ ଯୌବନ ;

ମତାଣିଆ ନଦୀର ଦୁଇ କୂଳେ

ହଜାଇ ନିଜର ସତ୍ତା, ଲୁଚିଯାଅ

ତୁମେ ପୁଣି ନିର୍ଲିପ୍ତ ସେ ସାଗର ବକ୍ଷରେ l

ତୃପ୍ତି ସାହୁ