କୋଉଠି ଥିଲ ଏତେଦିନ

ଏତେଦିନ କୋଉଠି ଥିଲ

ପରି ରାଇଜରେ

ମହରଗ କାନ୍ତାରରେ

ପେଟେରି ବନ୍ଦ ଭାଡ଼ି ଉପରେ

ଜହ୍ନି ରଂଜା କଖାରୁ ମନ୍ଦାରେ

ନା ଆଉ କୋଉଠି ?

ଛାଡିଥିଲ ଯୋଉଠୁ

ସେଇଠି ସେମିତି

ଏକା ଖଂଜେ ବର୍ଷ ମାସ

ନିଷ୍ଠୁର ନିଦାଘରେ ଠିଆହୋଇଛି

କାଳେ ତମେ ବୁଲି ଚାହିଁବ

ମୁଁ ଅଛି କି ନାଈଁ ।

ଏତେ ଦିନ କୋଉଠି ଥିଲ

ଭିଡରେ, ଏକାନ୍ତରେ

ଯାତ୍ରା ୟା ନାଟକରେ

ଗଳ୍ପ ନା ଏକାଙ୍କିକାରେ

ନଈ ର ଉଜାଣି ସୁଅରେ

ଭଅଁରରେ ପଡି

ଡଙ୍ଗା ଟଳମଳ

ଶୁଖିଲା ପତ୍ରକୁ ଭରସା

ଜାଣିନି କୋଉଠି ଲାଗିବି ।

ତମେ ଆଉ କାହାର

ସିନ୍ଦୁର ଶଙ୍ଖା ପିନ୍ଧି

ମୋତେ ଓଢଣୀ ଦଉଚ

ଭାରି ଭଲ ଲାଗୁଛ

ଏବେ ବୁଝିପାରିଲି

ବୋଧେ ତମେ ମୋତେ

ଧୋକା ଦେଇଛ ।