ଗାଁ ମଶାଣି
ଗାଁ ମଶାଣି
1 min
212
ଗର୍ବ ଅହଂକାର ଖର୍ବ ହୁଏ ଯହିଁ
ଶେଷ ଠିକଣା ସେ ଭୁଇଁ
ମର୍ତ୍ତ୍ୟେ ଦେହଧାରୀ ହାଡମାସଂ ଧରି
ପାଉଁଶ ହୁଅଇ ତହିଁ ।
ଏନ୍ତୁଡିଶାଳରେ କୁଆ କୁଆ କାନ୍ଦି
ଆରମ୍ଭି ଥିଲୁ ତ ବେଳ
ଜୀର୍ଣ୍ଣ ଭୁଇଁରେ ଜୁଇ ନିଆଁପରେ
ଶରିଯିବ ଭବ ଖେଳ ।
ଜୀବ ଅରଜୀବା ଶୂନ୍ୟାଦି ହୋଇବ
ପାପପୂଣ୍ୟ କର୍ମ ମାନ
ଘୋର ଅନ୍ଧକାରେ ପଞ୍ଚଭୂତାଦିରେ
ଆତ୍ମାବି ହୋଇବ ଲିନ ।
ମୋହମାୟା ଆଉ ରୋଷ ଅଭିମାନ
ଶୂନ୍ୟତାରେ ଯିବ ଉଡି
ପ୍ରେମ ପ୍ରତାରଣା ସବୁ ବାଟବଣା
ଆତ୍ମୀୟ ବି ଦେବ ତଡି ।
ନିନ୍ଦା ଅପବାଦ ଅବା ଜୟନାଦ
ପାରିବୁନି ଆଉ ଶୁଣି
ତୋ ଯିବା ବାଟର ମୂକସାକ୍ଷୀ ହୋଇ
ଥିବ ତୋ ଗାଁ ମଶାଣି ।।