ଚାନ୍ଦିନୀ ରାତି

ଚାନ୍ଦିନୀ ରାତି

ଝରୁଥାଏ ରୂପାର ଏକ ଶୁଭ୍ର କିରଣ

ଶୁନ୍ ଶାନ୍ ରାତି

ଶୁଭୁଥାଏ ରାତ୍ରିଚରର ଗୁଞ୍ଜନ

ଦୂରରୁ ଶୁଭେ ପକ୍ଷୀ ଦମ୍ପତି ଗାନ

ନିର୍ଜନ ରାତି

ମିଞ୍ଜି ମିଞ୍ଜି ତାରାରେ ପୁଲକିତ ଗଗନ

ଚଇତି ରାତି

ଅଧିର ହୁଏ ମନ, ପ୍ରାଣ, ଜୀବନ

ନିସ୍ତବ୍ଧ ରାତି

କ୍ଷୀଣ ଆଲୁଅରେ ଜୁଳୁଜୁଳୁ ପୋକ କରେ ମନ ଆକର୍ଷଣ

ପୂର୍ଣ୍ଣିମା ରାତି

ଶୋଭା ବଢ଼ାଏ କଳା ବୃଖା ପିନ୍ଧିଥିବା ଦୂର ଉପବନ

ରୂପେଲି ରାତି

ବିରହ ରାଗିଣୀ ତାନ ଉଚ୍ଛନ୍ନ ହୁଏ ଏ ମନ

ଚଇତି ଚାନ୍ଦିନୀ ରାତି

ସରସୀ ରେ କୁମୁଦିନୀ ପ୍ରେମେ ମଗନ

ପୂର୍ଣ ଚନ୍ଦ୍ରମାର ରାତି

ମଧୁମୟ ଲାଗେ ଶଶୀ ର ଚୁମ୍ବନ

ସୁଧାକର ରାତି

ତାର ଶୁଭ୍ର ଜ୍ୟୋତି କରେ ହୃଦୟେ ଆନ୍ଦୋଳନ

ଇନ୍ଦୁର ରାତି

ତା ସୌନ୍ଦର୍ଯ୍ୟରେ ବୁଡି ରହି ଦେଖଇ ସପନ

ଜୋଛନାର ରାତି

ଶୀତଳ ଲାବଣ୍ୟ ରେ ପ୍ରେମମୟ ଏ ଜୀବନ ।