ବନ୍ଧୁଟିଏ ଲୋଡା

ଲୋଡା ଏପରି ଏକ ବନ୍ଧୁ ଅବା ସଖା

ଜୀବନରେ...........

ଯାହା ସହିତ ମୁଁ

ଯାହା ବିପକ୍ଷରେ ମୁଁ

ଯାହା ସାହାଯ୍ୟରେ ମୁଁ

ଧୈଯ୍ୟ ଆଉ ସହନଶୀଳତାର

ପରୀକ୍ଷା ଦେଇପାରନ୍ତି ।

ଯାହାର ଗର୍ବ ଆଉ ଅହଙ୍କାର

ବିଦ୍ରୁପ ପୁଣି ତାତ୍ସଲ୍ୟ ମୋ ପ୍ରତି

ଯାହାର ସମ୍ମୁଖିନ ହୋଇପାରିବି

ମୁଁ.........

ତା ସହିତ ବସି କଥା ହୋଇପାରିବି

ସୁଖଦୁଃଖକୁ ବାଣ୍ଟିପାରିବି

କେବଳ ଗୋଟିଏ ଅବା ଦୁଇଦିନ ନୁହେଁ

ସବୁଦିନ , ସବୁସମୟ

ସବୁ ଦିବା ଆଉ ନିଶି ଚାହିଁ ରହିଥିବି ତାକୁ,

କଳି କରିବାଲାଗି ତୁହା ତୁହାକୁ ।

ଏକୁଟିଆ ଥିଲେ ସିନା ଭାଙ୍ଗିଦେବ.......ସେ

ବନ୍ଧୁ ଥିଲେ ଭାଙ୍ଗିନପାରିବ ......ସେ

ପଥର ପରି ଟାଣ ହେବ

ବନ୍ଧୁସହ ଯୁଧ୍ୟ କରି

ଶିଖି ଯାଇଥିବି କିପରି କରିବା ବଧ ।

ଅଭିମନ୍ୟୁ ଅବା ତାର ମାମୁଁଙ୍କ ପରି

ଅଧର୍ମ ଉପରେ କରିବା ଧର୍ମର ଜୟ ।