ଅତୀତ
ଅତୀତ
1 min
187
ମନେପଡେ ସେହି ଅତୀତ କଥାକୁ
ପୁଣିଥରେ ପାଇବାକୁ
ସେହି ପିଲା ଖେଲ ନଈ ବାଲି ଘର
ମନ ଚାହେଁ ତୋଳିବାକୁ ।
ସେହି ନଈ କୂଳେ ବରଗଛ ମୂଳେ
ଖେଳୁଥିଲି ସାଥୀମେଳେ
କୋଇଲିର ଗୀତ କାଉର ସେ ରାବ
ମୋହୁଥିଲା ମନ ସତେ ।
କେତେ ମନୋହର ଥିଲା ସେ ଅତୀତ
କହୁଅଛି କାନେ ମତେ
ଏ ମନ ଚାହେଁ ପୁଣି ପାଇବାକୁ
ଅତୀତର ସେ ଅନୁଭୂତି ।
ଯେତେ ଖୋଜିଲେବି ଆସିବ କି ତାହା
ଚାଲିଗଲା ସେହି ସ୍ମୃତି
ଅନାବିଳ ପ୍ରେମ ଅସରନ୍ତି ସପ୍ନ
ସାକାର ହୁଅନ୍ତା କି ସତେ ।
ବୈଶାଖ ମାସର ଜାମ୍ବୁ କୋଳି ଗଛେ
କୋଇଲିର ରାବ ଶୁଣି
ଲାଗୁଥିଲା ସତେ ପ୍ରେମର ସଙ୍ଗୀତ
ମନ ନେଉଥିଲା କିଣି ।
ଖେଳୁଥିଲି କେତେ ନାନା ଜାତି ଖେଳ
ଗାଁ ଦାଣ୍ଡ ମୁଣ୍ଡ ଶେଷେ
କେତେ ରାଗ ରୋଷ ମାନ ଅଭିମାନ
ଭୁଲି ମୁଁ ପାରୁନି ସତେ ।