"जीवन" - एक प्रवास !

आयुष्यभर सोबत असून

जवळ कधी बसत नाही

एकाच घरात राहून आम्ही

एकमेकास दिसत नाही

हरवला तो आपसातला

‌ जिव्हाळ्याचा संवाद

एकमेकांस दोष देऊन

‌. ‌‌‌ ‌‌‌‌. नित्य चाले वादविवाद

धाव धाव धावतो आहे

दिशा मात्र कळत नाही

हृदयाचे पाऊल कधी

हृदयाकडे वळत नाही

इतक‌ जगणं झालं पण

‌ ‌‌‌‌‌‌ जागायलाच वेळ नाही

‌. ‌‌‌‌‌‌‌. जगतो आहोत कशासाठी

‌. काहीच कसलाच मेळ नाही !

क्षण एक येईल असा

घेवून जाईल हा श्र्वास

अर्ध्यावरच थांबलेला असेल

हा जीवनाचा प्रवास !

अजूनही वेळ आहे

आनंदाने जगूया....

‌. सुंदर अशा या सृष्टीला

‌‌‌ डोळे भरून बघूया !