वेळ

जितका पैसा गाठीला

तितुके लोक भेटीला

आठवा जुन्या म्हणीला

लागती मुंगळे गुळाला

नसतं जेथे पाणी शिवारी

कोरडी असते जमीन फार

बळीराजाला त्या कधीच

देईना कुणी लवकर उधार

समोर जातो पाहुणा कधी

ओळख पटकन हो पटेना

अशी कशी ही वेळ आली?

अन् नाकाची चिंधी निघेना

 बघता बघता बदलली वेळ

 दुनियेत रोज नवी खेळ

 जगी कुणा काही समजेना 

 अन् कोरोना जाता जाईना

 

 देवाला आता घालू साकडे

 एकदा तरी पहा आमच्याकडे

 जगू दे रे नीट मानवाला

 रोज का, नवे नवे कोडे?