वांझ

वांझ म्हणुनी हिनवू नका

तुम्ही सासूबाई

कौशल्येला सुद्धा राम लवकर झाला नाही

पुराणातुन काही तुम्ही शिकणार का नाही

कृष्णही देवकीला लवकर झाला नाही 

मुलासाठी तुमची बघा भलतीच घाई

कुणाचा वंश चालवता पत्ताच नाही

वैद्य तर तुमच्या मुलातच दोष पाही

पाऊस चांगला झाल्या शिवाय जमीन पिकत नाही

हे तुम्हाला कस बाई कळतच नाही

वांझ म्हणुनी हिनवू नका

तुम्ही सासूबाई

कूस माझी रिकामी राहणार नाही

पहाट झाल्यावर सांगा उजडणार का नाही

"शिवाजी" आपल्या घरी जन्मणार सासूबाई

दुर्योधनाची माता मी होणार नाही

शेवटी होईल मी सपकाळाची सिंधूताई

वांझ म्हणुनी हिनवू नका

तुम्ही सासूबाई