ती

नकळत आली ध्यानी मनी नसताना ती,

न् क्षणभर पाहातच राहिलो मी....||

नकळत लाजुन गालात खुदकन हसली ती,

हसत हसत तिच्यात रमून गेलो मी....||

बघता बघता हळूच लपून गेली ती,

पाणावलेल्या डोळ्यांनी शोधतच राहीलो मी....||

हसता हसता हळूच बोल्ली ती,

न कळत तिच्या ऐकतच राहीलो मी....

जेव्हा पाहतो वळूनी तिजकडे परत मी,

कळलेच नाही केव्हा प्रेमात पडलो तिच्या मी....||

बोलता बोलता हळूच बोलून गेली ती,

नाही मी तुझी ना तु माझा...

तरीही तिचे न माझे स्वप्न रंगवत गेलो मी....||

अकस्मात अचानक निघुनी गेली ती,

न् नुसता पाहातच राहीलो मी....||

वाटले होते पुन्हा एकदा भेटेल ती,

त्या क्षणाची आजही वाट पाहतो मी....||

माझीया प्रियेला प्रीत कळेना,

न् तिच्याशिवाय माझे मन राहवेना...||

काय होते न् काय झाले या मनाचे,

आजही त्याचे उत्तर शोधतो मी....||

आठवणीचे ओझे देउन गेली ती,

हसून थोडे ओझे विसरून जातो मी...||

अरे वेड्या मना नाही येणार तुज कडे परत ती,

पण आजही तिजवरच प्रेम करीतो मी.....||