स्वच्छ भारत
स्वच्छ भारत
होऊया सादर, करूया जागर
स्वच्छ अभियानाचा ।
हातात घेऊन झाडूचे हत्यार ।
मंत्र हा आरोग्याचा ।
होईल स्वच्छ नी सुंदर भारत ।
ध्यास हा स्वच्छतेचा।
तुझ्या हाती आहे देश सारा, सोपी करू वाट उद्याची रे ।
स्वच्छ भारत, माझा स्वच्छ भारत ।।
ओला कचरा हिरव्या डब्यात।
सुखा कचरा निळ्या डब्यात ।
निरामय जीवनाचा मार्ग हा खरा ।
घरदार स्वच्छ करू, अंगणातील केर भरू ।
घंटागाडी येता डबे रिकामे करू ।।
प्लास्टिक बंदीचे करून स्वागत,
पार्यायी वस्तू वापरू ।
कागदी पिशव्या , कापडी पिशव्या
नित्य नवा मार्ग धरू ।
शौचालयाचा करू वापर,
रोगराईला पळवू दूर ।
निर्मळ होईल, हर्षुनी जाईल
आज ही वसुंधरा ।
होईल साकार स्वप्न बापूजींचे,
ध्यास हा मनी धरा ।
आनंदी राहूया, निरोगी जगुया
धागा हा आयुष्याचा ।
निर्मळ मनाने, प्रेमभावनेने
स्वप्न हे साकार करूया ।
स्वच्छ भारत, माझा स्वच्छ भारत ।।