स्पर्धा आयुष्याशी

नको स्पर्धा मित्र -मैत्रिणींशी ,नको स्पर्धा शेजारच्यांशी ,

जग जिंकायचे असेल तर करूया स्पर्धा आयुष्याशी ! 

स्वत:ला सिद्ध करण्यासाठी भिडावं लागतं जगाशी ,

जगात स्वत:ला सिद्ध करायचे असेल तर करूया स्पर्धा आयुष्याशी ! 

सिद्ध करून स्वत:ला यशाची थाप घ्यावी पाठीशी ,

यशाची थाप पाठी घ्यायची असेल तर करूया स्पर्धा आयुष्याशी ! 

आयुष्य जगतांना मैत्री करावी लागते कष्टाशी, 

कष्टाचा अभिमान राखून करूया स्पर्धा आयुष्याशी !

कष्टमय आयुष्य जगत असतांना ओळख होते परिस्थितीशी ,

परिस्थिती वर मात करायची असेल तर करूया स्पर्धा आयुष्याशी ! 

इतिहास घडविलेल्या व्यक्तिंनी प्रेम केले पुस्तकांशी, 

इतिहास घडवत असतांना केली स्पर्धा आयुष्याशी !