शेवटी
शेवटी
![](https://cdn.storymirror.com/static/1pximage.jpeg)
1 min
![](https://cdn.storymirror.com/static/1pximage.jpeg)
415
शांतताही खायला उठणार आहे शेवटी
प्रेयसी माझी म्हणे रडणार आहे शेवटी
फक्त कळसाच्या नको गर्वात राहू एवढा
सुप्त त्याची पायरी खचणार आहे शेवटी
हा दिलासा घेऊनी अंधार आहे जागला
वातही पणतीतली विझणार आहे शेवटी
खेळण्यापूर्वीच केला सामना घोषीत की
जिंदगी मरणा पुढे हरणार आहे शेवटी !
स्वप्न, गाडी,बंगला, शेती, हिरे, पैसा तुझा
आठवण सोडुन तुझी उरणार आहे शेवटी
केवढी आहे चुरस त्यांच्यात येथे लागली
कोणते जाते मला दळणार आहे शेवटी?
फक्त बाभळ कोरडी वा तूप चंदन गोवऱ्या
जी दिली ती आहुती जळणार आहे शेवटी