😔 सांगा माझं काय चुकलं 😔

छान छान कपड्यांचं

रंगीबेरंगी दुनियेचं

स्वप्न मला पडलं तर

सांगा माझं काय चुकलं

पाठीवरच्या दप्तरांचं

पुस्तकाच्या सुगंधांचं

शाळेच्या गणवेशाचं वेड मला जडलं तर

सांगा माझं काय चुकलं

माणूस म्हणून जगण्याचं

सन्मानानं राहण्याचं

मत माझं ठरलं तर

सांगा माझं काय चुकलं

पोट अर्ध्या भुकेचं

अंग फाटक्या कपड्यांचं

म्हटलं जिणं जगावं सन्मानाचं तर

सांगा माझं काय चुकलं