ऋतुराज वसंत

येतो तो ज्या क्षणी

सुखद अनुभूती होतेे मनी

मंद धुंद फुलांचा सुवास

अवतीभवती फुलपाखरे ती खास

हळुवार मंद वाहणारे वारे

सोबतीला झाडांची पाने अन् फुले

पक्षांचा होणारा तो किलकिलाट

तांबड्या अन् पिवळ्या रंगांचा आभाळी तो लल्लाट

पिवळ्या पानांचे अलगद मातीत मिसळणे

अन् झाडांचे ते नव्याने अंकुरणे

ऊन सावलीचा तो लपंडाव

जसा मनी उमटतो आठवणींचा गाव 

सप्तरंगांची उधळण चौफेर

जादूनगरीची जणू सफरच अखेर

येता क्षणी मन वेडावून जाणे

अन् जाताना मन भारावून येणे

सारी सृष्टी होते ज्याने तृप्त

असा हा  ऋतूंचा राजा 'ऋतुराज वसंत'