राधा-कृष्ण रास

ब्रह्माण्ड जाणणं 

हा ब्रह्मानन्द. 

तो घेण्यासाठी, 

आपला 

मनुष्य जन्म. 

कणा-गुणांचा 

अनन्त अमाप, 

अजन्मा अमर्त्य 

संग्रह, ब्रह्माण्ड.

कणांमुळे गुण, 

नी गुणांमुळे कण 

प्रगटतात.पण 

एकमेकांमुळे 

सतत बदलतात.

कणांचं परमपण 

म्हणजे

 निर्गुण,निराकार,

बिंदुवत,

निव्वळ अस्तित्व, 

रुद्र.

नी गुण, 

अगणित-अमाप.

त्यांची विवीध मिश्रणं.

काही सुष्ट-संतुष्ट, 

काही विशिष्ठअशिष्ट, 

काही भद्र 

काही अ-भद्र.

काही देव 

काही दानव 

मात्र,सुष्ट-दुष्ट, 

भद्र-अभद्र, 

विशिष्ठ अशिष्ट, 

देव दानव सापेक्ष. 

ब्रह्माण्ड 

सदा निःपक्ष. 

कृष्ण काळा नी 

गोरी राधा.

हा प्रकार, 

वर्ण-भेदाचा नाही, 

छाया प्रकाशाचा 

खेळ साधा.

 

राधा-कृष्ण 

ब्रह्माण्डाचं रूपक 

कृष्ण-विवर नी 

आकाश-गंगेचं 

वर्णन समर्पक. 

कृष्ण-विवरात 

सारे कण, सारे गुण, 

जातात विसर्जून, 

बनतात कृष्ण 

आपणहून. 

 

आकाश-गंगेत 

सारे कण, गुणानुरूप, 

प्रगटतात,आवर्जून.

 

रंग-वर्णाच्या 

गुण-मिश्रणाच्या 

कोणत्याही छटा 

तिथे दिसतात उठून 

कृष्ण सानिध्यात 

भक्तांचं 

होतं समर्पण.

भक्त सरतो, 

जातो कृष्णच होऊन 

  

राधा,

साऱ्या भक्तीचं मिश्रण. 

साऱ्या भाव-भावनांचं, 

असीम श्रद्धेचं, 

गुण -समूहाचं 

निखळ प्रगटन.

कृष्ण-विवर कृष्ण,

संकलन ,समर्पण.

 

राधा,आकाश-गंगा 

साऱ्या कणा-गुणांचं, 

प्रगटीकरण.

साऱ्या ब्रह्माण्डाचं 

असणं,दिसणं,जाणवणं 

  

कृष्ण-विवर कृष्ण,

ब्रह्माण्डाचा श्वास 

आकाश-गंगा राधा, 

ब्रह्माण्डाचा उत्श्वास 

श्वासा वीना

उत्श्वास नाही

उत्श्वासा वीना 

श्वास नाही

राधे वीना 

कृष्ण नाही 

कृष्णा वीना 

राधा नाही 

राधा-कृष्ण रास 

ब्रह्माण्डाचं 

सुलभ-सोपं 

उदाहरण खास

आकाश-गंगा नी 

कृष्ण-विवरात 

सारं ब्रह्माण्ड 

सामावलं आहे.

 

राधा-कृष्ण रास-क्रीडेत 

आपल्याला ते घावलं आहे

आपलं विश्व आपल्याला 

मनोमन भावलं आहे