प्रथम पावसा

*श्रावणातल्या प्रथम पावसा*

*झिम्माड सरींनी बरसुन जा*

*हिरवळलेल्या धरा कांतीला*

*मौक्तिक फुलांनी सजवुन जा*---१

 

*नवीन नव्हाळी वसू पोटूशी*

*कुस अधमुखी भिजवुन जा*

*प्रतिक्षेतल्या वांझ तरूवर*

*पराग सुपर्ने उगवुनजा*----२

*श्रावणातल्या*------------

*नदी नाले उदास सरोवर*

*दुथडी जलाने भरवुन जा*

*व्याकूळ हरीणी बावरी राधा*

*घनशामा अंगी बिलगुन जा*---३

*श्रावणातल्या*------------

*खेळ फुलझड़ी मस्त रंगीला*

*उन सोनेरी रंगवुन जा*

*इंद्र धनुच्या रंगीत फुलांचे*

*थवे वेलीवर खुलवुन जा*---४

*श्रावणातल्या*-----

*पुष्प वेचण्या फिरती ललना*

*उघाड जरासा फिरवुन जा*

*दही हांडीचा गोविंद सोहळा*

*वाजत गाजत मिरवुन जा*---५

*श्रावणातल्या*--------