परी

आषाढाचे मेघ जणू बाल तिचे काळे

डोळ्यामदी काजळाचे साचलेले तळे

कोवळ्याशा ओठावर डाळींबाची फोड

नितळशा गालावर खळी फुले गोड

शोभिवंत तीळ उभा गोंदलेला गाली

अवतरली कोण परी आभाळाच्या खाली ॥

चेहऱ्यामंदी चंद्र तिच्या पुनवेचा छान

केवडाच अवतरला देह गोरापान

एक एक शब्द तिचा कोकीळेचा सूर

अत्तरात देह ओला गंध वाहे दूर

कुंकवाचा धनी तिचा असे भाग्यशाली

अवतरली कोण परी आभाळाच्या खाली ॥