फक्त सुखाला स्मरून

त्या क्षणांना गुंफलेल्या

कधीतरी मोकळीक दे

भावनांनी विस्कटलेल्या

सावरून क्षणात बहरू दे

मुक्त करण्यासाठी

त्या तुझ्या आसवांना

दूर सारण्यासाठी

ह्या तुझ्या वेदनांना

मुक्त होऊन जगण्याची

मन ठेवून आहेत आस

घेऊ दे त्या क्षणांनाही

पुन्हा मोकळा श्वास

बेभान होवून कधीतरी

जगून बघू दे त्यांनाही 

कितीही नाही म्हटले तरी

आहेत बंदिस्त अजूनही

तुझ्या या जीवनी

फक्त आनंदच रहावा उरून

खूश रहा प्रत्येक क्षणी

हास्याला स्फूरून

मोकळी करून आसवे

दु:खाला जा विसरून

तू आनंदात हसावे

फक्त सुखाला स्मरून