पाऊस

अलगत माझ्या अंगणी

ओसरल्या पाऊस धारा

मज चिंब चिंब करतो

वाहणारा खट्याळ वारा !!१!!

नेहमीचा पाऊस असतो

पण नव्याने का भेटतो

मौसमापरी प्रत्येक मनात

वेगळाच का भीडतो !!२!!

बालपणीचा सहवास

स्मरणात माझ्या खेळतो

तळ्यात कधी मळ्यात

हा खेळ चिखलात रंगतो !!३!!

मुक्त होऊन बरसतो

पाऊस या धरती वर

सौंदर्य वाढते निसर्गाचे

डोळ्यांनी टिपावे मनभर !!४!!

रिमझिम कधी बेधडक

आवेग तुझा कळत नाही 

कधी रुद्र कधी सौम्य

पावसा तू उमजत नाही !!५!!