पाऊस

आला पाऊस आला पाऊस

सोबत अमृताच्या धारा

ओल्या झाल्या डोंगर रांगा

ओली झाली घरे नी दारे

धरित्रीच्या कणा कणातून

स्वच्छ सुंदर नितळ पाणी

थेंब टपोरे गवता वरती

उड्या मारती डोंगर माथी

धुंद पावसाळी हवा

त्याची सखी त्याची सोबती

स्वर्गच झाली धरती ऐसी

नयरम्य हे दृश्य मनोहर

कडेकापरितून नीर्झर

लोळण घेती खुशाल भूवर

निळ्या माणिकांच्या डोही

ढगा ढगांची दाटी

ओघळती धरणिवरी

संगे अमृताच्या सरी

ऊन वाऱ्याच्या साक्षी

दऱ्या खोऱ्यात उतरल्या

हिरव्या पाचूच्या नक्षी